დღეს, 23 დეკემბერს, თბილისში საფრანგეთის საელჩოსთან, თბილისელ სომეხთა ასამბლეა ატარებს მადლიერების აქციას სახელწოდებით « Merci».
როგორც ორგანიზატორებმა "ჯი-ეიჩ-ენს" აცნობეს, საფრანგეთის ეროვნული კრების მიერ სომეხთა გენოციდის უარყოფის კრიმინალიზაციის შესახებ კანონის მიღებასთან დაკავშირებით.
აქციაში მონაწილეობას მიიღებენ თბილისელ სომეხთა ასამბლეის გამგეობის წევრები,
ასევე საქართველოს სხვა სომხური საზოგადოებრივი ორგანიზაციების ლიდერები, მათ შორის საქართველოს სომეხ ვეტერანთა კავშირი, საქართველოს სომეხთა უფლებების დაცვის ასოციაცია, ქართველ სომეხთა გაერთიანება "ნორ სერუნდი", საქართველოს სომხური ახალგაზრდული ცენტრი და თბილისელ სომეხთა საზოგადოებრივ-საგანმანათლებლო საბჭო.
აქციის მსვლელობისას საქართველოში საფრანგეთის საგანგებო და სრულუფლებიანი ელჩს გადაეცემა სამადლობელო წერილი.
