დღეს, 23 დეკემბერს, ბიზნესანალიტიკური ჯგუფი "M&Co Consulting"-ი პროექტ "FlaM&Co"-ს ფარგლებში, საქველმოქმედო საშობაო აქციას გამართავს 50 ომგამოვლილი ბავშვისთვის.
"FlaM&Co" ( ფლამენკო) - თვითნასწავლი, ნიჭიერი და ახალგაზრდა ხელოვანთა ნამუშევრების გამოფენა-გაყიდვა გაიმართება 18:00 საათზე, ბიზნესცენტრ კალასის საგამოფენო დარბაზში (ლესელიძის 25).
როგორც ორგანიზატორები აცხადებენ, "ღონისძიებაზე გამართულ საქველმოქმედო აუქციონზე შესული თანხებით, კომპანია "M&Co Consulting"-ი დაეხმარება ომგამოვლილ პატარებს და კიდევ ერთ საახალწლო საჩუქარს გაუკეთებს იმათ, ვისაც ბავშვობა 2008 წლის აგვისტოს წაართვეს".
