აღნიშნულთან დაკავშირებით ცვლილება შედის საქართველოს ზოგიერთ საკანონმდებლო აქტში, რომელიც დღეს ჯანდაცვის კომიტეტზე პირველი მოსმენით განიხილეს. ცვლილებების თანახმად მომავალი წლიდან ჩამოყალიბდება ახალი სამსახური, რომელიც სამედიცინო დაწესებულებებსა და პაციენტებს შორის არსებულ დავებს დაარეგულირებს. როგორც კომიტეტის სხდომაზე კანონპროექტის ერთ-ერთმა ავტორმა ზვიად კუკავამ განაცხადა, მედიაციის სამსახურს იმ კონკრეტული დავების მოწესრიგება დაევალება, რომელიც თავს იჩენს სადაზღვევო კომაპნიებსა და კლიენტებს შორის. მისივე თქმით, აღნიშნული სამსახური ასევე სამედიცნო დაწესებულებებსა და პაციენტებს შორის დავების განხილვასაც უზრუნველყოფს.
"მედიაციის სამსახური მოსარჩელე მხარეებს მათი უფლებების დაცვაში მაქსიმალურად დაეხმარება, რასაც განსაკუთრებული მნიშვნელობა აქვს კერძოდ კი მისი ამოქმედების შემდეგ სასამართლოს დატვირთულობა მნიშვნელოვნად განიტვირთება" - აღნიშნა კუკავამ.