2011 წელს, 2010 წელთან შედარებით, ჟურნალისტების საქმიანობა უფრო სახიფათო გახდა. ამის შესახებ აღნიშნულია ორგანიზაცია „რეპორტიორები საზღვრის გარეშე" წლის შემაჯამებელ მოხსენებაში.
2011 წელს 16 პროცენტით გაიზარდა ჟურნალისტების მკვლელობის ფაქტები. ფაქტობრივად გაორმაგდა დაკავების რაოდენობა, ხოლო 43 პროცენტით იმატა ჟურნალისტებზე თავდასხმის და მათ მიმართ მუქარის ფაქტებმა.
სულ 2011 წელს დაუპულია 66 ჟურნალისტი. დაკავებულია 1044, ხოლო გატაცებულია 71. სხვადასხვა სიმძიმის თავდასხმა განხორციელდა მედიის 2 ათასზე მეტ თანამშრომელზე. ჟურნალისტებისთვის ყევლაზე რთულ სამუშაო ადგილებად ორგანიზაცია ასახელებს ბაჰრეინის დედაქალაქს მანამას, კოტ დიუარის ქალაქ აბიჯანს, ეგვიპტის დედაქალაქის ცენტრალურ მოედანს ტახრირს, ლიბიის ქალაქ მისრატას და მექსიკის შტატს ვერაკრუზს.
საშიში ქვეყნების სიაში ფაქტობრივად ის ქვეყნები მოხვდნენ სადაც 2011 წელს გააქტიურდა საპროტესტო მოძრაობა და ხელისიუფლებები შეეცადნენ ძალის გამოყენებით ჩაეხშოთ დემონსტრაციები.
