მიხეილ სააკაშვილმა ყველას მოუწოდა, რომ ლაზიკისთვის ახალი არქიტექტურული პროექტები შექმნან. ეს მოწოდება საქართველოს პრეზიდენტმა ბათუმში გააჟღერა. პრეზიდენტმა ბათუმში თამარ კვესიტაძის ახალი მოძრავი ქანდაკება „როტაცია" ავტორთან ერთად მოინახულა.
მისი თქმით, ახალი ქალაქის მშენებლობა მალე დაიწყება.
შეგახსენებთ, რომ საქართველოს პრეზიდენტის მიხეილ სააკაშვილის განცხადებით, ანაკლიადან ყულევანმდე ტერიტორიაზე ახალი ქართული ქალაქი - ლაზიკა აშენდება.
"ჩვენ იცით, რომ მთელი მსოფლიო ზღვის მიმართულებით ვითარდება. მთავარი სავაჭრო გზები ზღვაზე გადის. ასე განვითარდა თავის დროზე კოლხიდა, აქედან წარმოიქმება ძველი მითები, რომლებიც ჩვენ გვიკავშირდება. ბევრი ვიფიქრეთ და გადავწყვიტეთ, რომ ანაკლიის გაგრძელებაზე დავაფუძნოთ, ახალი დიდი ქალაქი, რომელსაც ლაზიკას დავარქმევთ. ეს დიდი ქალაქი იქნება, სადაც, ჩემი ვარაუდით, 10 წელიწადში მინიმუმ ნახევარი მილიონი მაცხოვრებელი იქნება და სიდიდით საქართველოს მეორე ქალაქი იქნება, თბილისის შემდეგ და მთავარი სავაჭრო-ეკონომიკური და კომერციული ცენტრი დასავლეთ საქართველოში", - განაცხადა პრეზიდენტმა.
