სამძიმრის გამოსახატავად ივანიშვილი საქართველოში ჩეხეთის საელჩოში მივიდა. მისი თქმით, ვაცლავ ჰაველის იყო გამორჩეული მოაზროვნე, ჰუმანისტი, სამაგალითო პიროვნება და დემოკრატიულ ფასეულობათა ქომაგი.
"ჰაველი იყო მშვიდობისმყოფელი, თავისუფელბისთვის მებრძოლი გმირი. ის გახლდათ ჩემთვის როგორც პოლიტიკოსისთვის მსოფლმხედველობის ჩამოყალიბებაში დიდი წვლილის შემტანი. მე რამდენიმე უცხოელ ჟურნალისტს შეკითხვაზე ვინ არის ჩემთვის სამაგალითო პოლიტიკოსი ყოველთვის ვახსენებდი და დღესაც ვასახელებ ვაცლავ ჰაველის" - განაცხადა ივანიშვილმა და აღნიშნა რომ მისი სახით მსოფლიომ ძალიან დიდი პიროვნება დაკარგა.
ივანიშვილს ჟურნალისტებმა სხვა საკითხების შესახებაც დაუსვეს კითხვები, თუმცა მან განაცხადა რომ დღეს სამძიმრის დღეა და კომენტარის გაკეთებისგან თავს შეიკავებს.
ამ დროისთვის ჩეხეთის საელჩოში სამძიმრის გამოსახატავად რამდენიმე წუთის წინ მოვიდნენ საპარლამენტო უმრავლესობის წევრები ნუგზარ წიკლაური და ხათუნა ოჩიაური. ჩეხეთის სალეჩოში ასევე ელოდებიან დემოკრატიული მოძრაობის ლიდერს ნინო ბურაჯნაძესაც.
