"დემოკრატიული მოძრაობის" ლიდერის ნინო ბურჯანაძის განცხადებით, ვაცლავ ჰაველი საკუთარი სამშობლოს თავისუფლებისათვის, დემოკრატიული ღირებულებებისთვის ბრძოლაში ყველა იმ პრეზიდენტისთვის მაგალითია, ვისაც უნდა, რომ დემოკრატიული პრეზიდენტის სახელი ჰქონდეს.
"დღეს დემომკრატიული მოძრაობის სახელით მინდა თანადგომა გამოვუცხადო ჩეხეთის მოსახლეობას და მსოფლიოს დემოკრატიული საზოგადოებას, ისეთი პიროვნების გარდაცვალების გამო, როგორიც იყო ვაცლავ ჰაველი. ის იყო დიდი მებრძოლი, ადამიანის უფლებებისთვის და დემოკრატიისთვის ბრძოლაში. მქონდა ბედნიერება, რომ მას პირადად რამდენჯერმე შევხვედროდი. თავისი მოღვაწეობით, ბრძოლით და თავისი წასვლით ხელისუფლებიდან, ჩეხეთში მან და ზოგადად ევროპაში და თანამედროვე დემოკრატიული საზოგადოებაში დიდი სახელი დაიმკვიდრა" - განაცხადა ბურჯანაძემ.
შეგახსენებთ, რომ ბურჯანაძე ჩეხეთის სალეჩოს სამძიმრის გამოსახატავად ესტუმრა. მან თავი შეიკავა სხვა კითხვებზე პასუხის გაცემისგან, რადგან მისი თქმით დღეს არის სამგლოვიარო დღე და კითხვებზე ვრცელ პასუხებს სხვა პირობებში გასცემს.
