მხუთავი აირით თბილისში სამი ბავშვი მოიწამლა, ისინი ამჟამად ჟვანიას სახელობის კლინიკაში არიან გადაყვანილნი.
ელოშვილების ოჯახის სამი წევრი - თეონას, თათიასა და რობოს მდგომარეობა საავადმყოფოში შეყვანისას უმძიმესი იყო, რადგან მათ გონება ჰქონდათ დაკარგული. აღენიშნებოდათ პირღებინება, მუცლის ძლიერი ტკივილი.
ამჟამად ბავშვები მოთავსებულნი არიან გადაუდებელი სამედიცინო დახმარების ცენტრში. განსაკუთრების მძიმე იყო 12 წლის ბიჭის ჯანმრთელობის მდგომარეობა, რომელიც დილის 04:00 საათზე ოჯახის წევრებმა ოთახში დავარდნილი იპოვეს. ამ ეტაპზე ბავშვების ჯანმრთელობის მდგომარეობა დამაკმაყოფილებელია და მათ სიცოცხლეს საფრთხე არ ემუქრება. ბავშვების ინტოქსიკაციის სავარაუდო მიზეზად წყლის გაზის გამაცხელებლიდან ბუნებრივი აირის გაჟონვა სახელდება.
