საქართველოს პრეზიდენტმა მიხეილ სააკაშვილმა ქობულეთში სასათბურე მეურნეობა დაათვალიერა. სააკაშვილის თქმით, მსგავსი სასათბურე მეურნეობების მოწყობა ქობულეთში საკვებ პროდუქტზე ფასების დაწევას უზრუნველყოფს.
"ქობულეთში, გარდა ტურიზმისა, გვჭირდება მთელი წლით ადგილობრივი მოსახლეობის დასაქმება. დასაქმებას უზრუნველყოფს ასეთი მეურნეობები, ტექსტილის ქარხანა, ვმუშაობთ, რომ აქ "ნაიკი" შემოვიდეს, ერთი სამკერვალო უკვე მუშაობს. სამუშაო ადგილები უნდა იყოს არა მხოლოდ სეზონურად ზაფხულობით, არამედ მთელი წლის განმავლობაში", _ განაცხადა სააკაშვილმა.
მეურნეობის მოწყობისთვის უკრაინელმა ბიზნესმენმა მილიონ ასი ათასი დოლარის ინვესტიცია განახორციელა და ის ერთ ჰექტარზეა გაშენებული. სათბურში ძირითადად პომიდორი მოჰყავთ, რომლის პირველ მოსავალსაც იანვარში ელოდებიან. ადგილზე თანამედროვე გათბობის სისტემაა დამონტაჟებული
