ყველაზე საუკეთესო მლიქვნელურ-მაამებლური გამონათქვამების ტრადიციულ ყოველწლიურ რეინიტინგში, რომელიც მმართველი ტანდემისათვის იყო განკუთვნილი, როგორც პარტია "ედინაია როსიას" ისევე კულტურისა და ხელოვნების მოღვაწეები მოხვდნენ. ამასთან ერთად რეიტინგში ასევე არიან ჩინოვნიკები და სასულიერო პირები. ინფორმაციას ამის შესახებ გაზეთი "ვლასტი" ავრცელებს.
წინასწარი ინფორმაციით, რეიტინგის თავში ჩეჩნეთის მეთაური რამზან კადიროვია. გასულ წელს კადიროვი ასევე ამ სიის სათავეში იყო. მაშინ მან ვლადიმერ პუტინის მიმართ შემდეგი რამ განაცხადა: "ჩემი კუმირი - პუტინია. იგი ჩეჩენიცაა და რუსიც. და მან მოგვცა ჩვენ ყველაფერი ამ მიწაზე". ამჟერად კი კადიროვმა განაცხადა: "ის, რომ არა მე არ ვიქნებოდი".
გასულ წელს ამ სიაში მეორე ადგილი "როსმოლოდიოჟის" ხელმძღვანელი ვასილი იაკემენკომ დაიკავა თავისი ფრთოსანი ფრაზით, რომლის მიხედვითაც ადამიანი განუზომელი მადით ქურდავს ქვეყანასა და პუტინს. წელს აშკარა მიქვნელურ-მაამებელი ფრაზები მისგან შემჩნეული არ იყო.
სამაგიეროდ, თავისი მლიქვნელურ-მაამებლური რიტორიკის ერთგული დარჩა ლიპეცკის ოლქის გუბერნატორი ოლეგ კოროლიოვი. გასულ წელს იგი ტანდემის ბრძნულ პოლიტიკაზე საუბრობდა და ქვეყნის კეთილდღეობისათვის ვლადიმერ პუტინისათვის ყველაფრის უფლების მინიჭებას მოითხოვდა.
წლევანდელი მლიქვნელურ-მაამებლური რეიტინგის განსაკუთრებულობა გახდა ის, რომ მასში ტანდემის ერთ-ერთი წევრი - დიმიტრი მედევდევი მოხვდა ვლადიმერ პუტინის ქების გამო.
მაშ ასე 2011 წლის მლიქვნელურ-მაამებლური რეიტინგი ასე გამოიყურება - საუკეთესო ათეულის პირველადი შედეგები
1. რამზან კადიროვი - ჩეჩნეთის მეთაური
"ის (ვლადიმერ პუტინი ) რომ არა - მე არ ვიქნებოდი".
2. ოლეგ კოროლიოვი - ლიპეცკის ოლქის გუბერნატორი.
"პრემიერისათვის ნებადართულია ყველაფერი რაც ქვეყანას სჭირდება".
3. თალგამ ტადჟუდინი - რუსეთის უმაღლესი მუფტიი.
"ამბობენ, თუკი სიზმრად სულტანი, შენი ქვეყნის მმართველი ნახე ეს ნიშნავს, რომ ღმერთი შენით კმაყოფილია".
4. ვლადისლავ სურკოვი - ამჟამად რუსეთის პრეზიდენტის ადმინისტრაციის უფროსის მოვალეობის შემსრულებელი, გამონათქვამის დროს კი პრეზიდენტის ადმინისტრაციის თავმჯდომარის მოადგილე.
"გულწყფელად გეტყვით, რომ ვლადიმერ პუტინი ჩვენი ქვეყნის ძნელბედობის ჟამს რუსეთისათვის ღმერთის მიერ გამოგზავნილ ადამიანად მიმაჩნია".
5. ალექსეი ფილატოვი - "ალფას" ვეტერალების საერთაშორისო ასოციაციის ვიცე-პრეზიდენტი.
"ყოველთვის, რუსი ხალხის ძნელბედობის ჟამს ჩვენს თავზე ღვთის წყალობა იყო, მათ შორის ხელმძღვანელების თვალსაზრისითაც. სწორედ პუტინია ასეთი ღვთის წყალობა და სად ჩავიჩეხებოდით მის გარეშე ღმერთმა უწყის".
6. ნიკას საფონოვი - მხატვარი.
"პუტინმა მუხლებიდან ააყენა ჩვენი ხალხი".
7. იგორ ლეონოვი, კომის სახელმწიფო საბჭოში პარტია "ედინაია როსიას" წარმომადგებელი.
"პუტინი ნამდვილი ნაციონალური ლიდერია, ის ჩვენი პარტიის ხერხემალია და ქვეყნის განვითარებისა და სტაბილურობის გარანტი.
8. პაველ ასტახოვი -რუსეთის პრეზიდენტთან არსებული ბავშვთა უფლებების დაცვის რწმუნებული.
"სასიამოვნოა პროფესიონალთან მუშაობა: შესანიშნავ იურისტთან, პოლიტიკოსთან, ადამიანთან! დარჩით საუკეთესო!".
9. სტანისლავ გოვორუხინი - რეჟისორი.
"რუსეთს სჭირდება ხელმძღვანელი მამაცი, ძლიერი, ჭკვიანი, რომელიც დაიცავს არა მხოლოდ მოქალაქეთა უფლებებსა და თავისუფლებებს, არამედ ყველას შეახსენებს თავიანთი მოვალოებების შესახებ. და ასეთი ადამიანი ჩვენ გვყავს - ეს ვლადიმერ ვლადიმერის-ძე პუტინია".
10. დიმიტრი მედვედევი - რუსეთის პრეზიდენტი.
"პუტინი - თანამედროვე რუსეთის ყველაზე პოპულარული, ყველაზე გამოცდილი და წარმატებული პოლიტიკოსია!".
მასალის გამოყენების პირობები
