საქართველოს პრეზიდენტი მიხეილ სააკაშვილი ვაცლავ ჰაველის გარდაცვალების გამო მწუხარებას საქართველოს პრეზიდენტი მიხეილ სააკაშვილი გამოთქვამს.
"ეს დიდი დანაკარგია მსოფლიოსთვის და ყველა ჩვენგანისთვის, საქართველო ყოველთვის მადლიერი იქნება მისი მხარდაჭერისთვის", - ნათქვამია facebook-ის გვერდზე გამოქვეყნებულ განცხადებაში,
ვაცლავ ჰაველი ბოლოს საჯაროდ პრაღაში 2 თვის წინ საქართველოს პრეზიდენტთან ერთად გამოჩნდა. მიხეილ სააკაშვილი ჩეხეთში ქვეყნის ყოფილი პრეზიდენტის პირადი მიწვევით იმყოფებოდა. ამ ვიზიტის დროს მიხეილ სააკაშვილმა ვაცლავ ჰაველს დემოკრატიის განმტკიცების და საბჭოთა კავშირის დაშლის შემდეგ მის მიერ გატარებული პოლიტიკისათვის მადლობა გადაუხადა და წმინდა გიორგის ორდენი გადასცა.
რესპუბლიკის პირველ პრეზიდენტს ჩეხი ხალხი მთელი ღამე გლოვობდა. ხავერდოვანი რევოლუციის ლიდერის სახელზე პრაღაში ათასობით სანთელი აინთო და ქალაქის ცენტრში ყვავილები მიიტანეს.
შეგახსენებთ, რომ 75 წლის ასაკში გარდაცვლილ ჩეხეთის პირველი პრეზიდენტს ვაცლავ ჰაველს 23 დეკემებრს დაკრძალავენ.
