თბილისის მერმა გიგი უგულავამ დღეს გლდანში მდებარე ერთ-ერთი სავაჭრო ობიექტი დაათვალიერა, პროდუქტებზე არსებულ ფასებს გაეცნო და აღნიშნული სიახლის შესახებ, მოსახლეობას გაესაუბრა.
სასურსათო პროდუქტების დაბალ ფასში შეძენისა და მოსახლეობის შემოსავლების დაზოგვის მიზნით, თბილისის მერიის ინიციატივით ქალაქის ყველა უბანში იაფი სავაჭრო ობიექტები მოეწყობა. მსურველებს შესაძლებლობა ექნებათ, ყოველ კვირას დღეს, დილის 9-დან 15 საათამდე ზუსტი წონისა და მაღალი ხარისხის პროდუქცია ხელმისაწვდომ ფასად შეიძინონ.
მერიის ინფორმაციით, ახალ სავაჭრო ობიექტებში 100-ზე მეტი ადამიანი უკვე დასაქმდა. თითოეულმა მათგანმა შემდეგი კრიტერიუმები დააკმაყოფილა: წარმოდგენილი პროდქციის სახეობები, ხელმისაწვდომი ფასი და ხარისხიანი პროდუქტი.
ამ ეტაპზე თბილისის მასშტაბით სულ 12 სავაჭრო ობიექტი განთავსდა.
უგულავას თქმით, აღნიშნული სიახლე მნიშვნელოვანი სოციალური პროექტია, რომელიც ყველა ფენის წარმომადგენელს შესაძლებლობას აძლევს მშვიდ, სუფთა და სასიამოვნო გარემოში სასურსათო და სხვადასხვა სახის პროდუქტები შეღავათიან ფასად შეიძინონ.
