პატარებისთვის საყვარელი მულტფილმებისა და ზღაპრების 41 გმირის სკულპტურა ბათუმის ახალ ბულვარში სტუდია "ლიმპოპოსა" და მოძრავი თეატრი "ბერიკების" წარმოდგენით გაიხსნა.
ზეიმს ურეხის მზრუნველობამოკლებული ბავშვთა სახლის აღსაზრდელები და საჯარო სკოლების მოსწავლეების დაესწრნენ. მათი სიხარული აჭარის მთავრობის თავმჯდომარემ,ლევან ვარშალომიძემ და ბათუმის მერმა რობერტ ჩხაიძემ გაიზიარეს.
ფიგურები ბულვარის ადმინისტრაციის დაკვეთით ჩინეთიდან ჩამოიტანეს. მალე ზღვისპირა პარკში ატრაქციონებიც დაიდგმება. სამომავლოდ მსგავსი სკულპტურების განთავსება ძველი ბულვარის ტერიტორიაზეც იგეგმება.
