ცენტრალური ნაძვის ხე 25 დეკემბერს აინთება. ამასთან დაკავშირებით "ჯი-ეიჩ-ენს" თბილისის კულტურული ღონისძიებების ცენტრის წარმომადგენელმა ნინო სულაძემ განუცხადა.
"წელს ახალი წელი არამგონია ისეთი პომპეზური იყოს, როგორც შარშან. 25-ში ცენტრალური ნაძვის ხის ანთებასთან ერთად ვგეგმავთ სანტას ჩამოსვლასაც, რომელიც თბილისს ფეხით შემოივლის და შემდეგ მთაწმინდის პარკში ერთი კვირა, 31 დეკემბრამდე იცხოვრებს. მასთან ერთად თოვლის ბაბუაც იქნება, რომლებიც საჩუქრებით და ტკბილეულით გაუმასპინძლდებიან ბავშვებს", - განუცხადა "ჯი-ეიჩ-ენს" ნინო სულაძემ.
შეგახსენებთ, რომ შარშან პარლამენტის შენობის წინ დედაქალაქის ცენტრალური ნაძვის ხე საზეიმოდ აინთო, რომლის პარალელურად პარლამენტის შენობაზე 3D ვიდეო-პროექტის პრეზენტაცია გაიმართა.
