საქართველოს თავდაცვის მინისტრი ბაჩო ახალაია სააგენტო "ჯი-ეიჩ-ენთან" საუბარში ინფორმაციას ავღანეთში ქართველი ჯარისკაცების ნაღმზე აფეთქების შესახებ არ ადასტურებს.
"მსგავსი არაფერი გამიგია, ინფორმაციას არ ვადასტურებ, ეს ინფორმაცია უსაფუძვლოა და სიცრუეა. მით უფრო, თუ საქმე რამდენიმე დღის წინ მომხდარ ამბავს ეხება, საქმის კურსში აუცილებლად ვიქნებოდი", - აცხადებს "ჯი-ეიჩ-ენთან" საუბარში თავდაცვის მინისტრი.
"ჯი-ეიჩ-ენის" ინფორმაციით, რამდენიმე დღის წინ ავღანეთში მყოფი რამდენიმე ქართველი სამხედრო ნაღმზე აფეთქდა. აფეთქებულთა შორისაა, მეთაური ტუღუში, რომელსაც ქვედა კიდურები მოწყვეტილი აქვს. ასევე მისი თარჯიმანი, რომელსაც მოწყვეტილი აქვს ქვედა კიდურები და ერთი ზედა კიდური. სააგენტოსვე ინფორმაციით, ნაღმზე აფეთქების შედეგად დაშავებულია რამდენიმე ქართველი სამხედრო.
