დღეს, ირაკლი ალასანია სასტუმრო „თბილსი მარიოტში", საქართველოში აშშ-ის სავაჭრო პალატის წევრი კომპანიების წარმომადგენლებს შეხვდა.
შეხვედრაზე „თავისუფალი დემოკრატების" ლიდერი სიტყვით გამოვიდა და აშშ-ს სავაჭრო პალატის წევრი კომპანიების წარმომადგენლებს არსებული ეკონომიკური, პოლიტიკური პრობლემების გადაჭრის და ქვეყნის განვითარების პერსპექტივების შესახებ ესაუბრა. განსაკუთრებული ყურადღება დაეთმო საქართველოში ბიზნეს-გარემოს გაუმჯობესებისა და უცხოური ინვესტიციების მოზიდვის საკითხებს. შეხვედრის მეორე ნაწილში ირაკლი ალასანიამ პასუხი გასცა სავაჭრო პალატის წარმომადგენლების მიერ დასმულ შეკითხვებს.
