რუსეთის პრემიერ-მინისტრი ვალადიმერ პუტინი აცხადებს, რომ ამერიკელი სენატორის ჯონ მაკკეინის მუქარის შემცველი გამონათქვამები მიმართულია არა პირადად მის, არამედ რუსეთის წინააღმდეგ. ინფორმაციას ამის შესახებ რუსული მედია ავრცელებს.
ვლადიმერ პუტინი დარწმუნებულია, რომ დასავლეთის მიერ დაუშვებელი იყო იმ სცენარის გამოყენება, რომელიც მან ლიბიის ლიდერის მუამარ კადაფის წინააღმდეგ გამოიყენა და ყველა საკითხი დემოკრატილი გზით უნდა გადაწყვეტილიყო.
"ზოგადად, ეს ჩემი მიმართით არ იყო ნათქვამი. ეს ნათქვამია რუსეთის მისამართით. მავანთ რუსეთის გვერდზე გაწევა უნდა ისე, რომ მან მსოფლიო ბატონობაში მათ ხელი არ შეუშალოს", _ განაცხადა ვლადიმერ პუტინმა აშშ-ს სენატორის ჯონ მაკკეინის გამონათქვამების კომენტირებისას, რომლებშივ მაკკეინმა პუტინი გააფრთხილა, რომ "არაბული გაზაფხული" რუსეთს უახლოვდება.
რუსეთის პრეზიდენტობის კანდიდატმა ისიც ხაზგასმით აღნიშნა, რომ დასავლეთის ქვეყნებს დღემდე ეშინიათ რუსეთის ბირთვული პოტენციალისა.
"ბატონი მაკკეინი როგორც ცნობილია ვიეტნამში ომობდა. მიმაჩნია, რომ მისი ხელები საკმარისი რაოდენობით მშვიდობიანი მოსახლეობის სისხლშია გასვრილი. მას ძალიან მოსწონს და ალბათ უკვე ცხოვრებაც არ შეუძლია ამ შემზარავი სცენების გარეშე, როდესაც მთელს მსოფლიოში იქნა ნაჩვენები თუ როგორ კლავდნენ გასისხლიანებულ მუამარ კადაფს. ეს არის დემოკრატია?", _ განაცხადა პუტინმა.
მისივე თქმით, "ბატონი მაკკეინი, როგორც ცნობილია ვიეტნამში ტყვედაა ნამყოფი და იგი არა ციხეში არამედ ორმოში იჯდა. იქ მან რამდენიმე წელი გაატარა. ამ სიტუაციაში ნებისმიერი ადამიანი შეირყევა ჭკუიდან რა მე რა ვთქვა".
