დღეს, 14 დეკემბერს, 10:00 საათზე, სასტუმრო "რადისონში" მოწინავე ინფორმაციული ტექნოლოგიების სემინარი "ღრუბელი - მომავლის უალტერნატივო მოდელი" გაიმართება.
სემინარი მსხვილი უკრაინული კომპანიის "დე ნოვოს" და "ნიუკასის" ორგანიზებით ეწყობა. ღონისძიება მიზნად ისახავს სემინარში მონაწილე მხარეთა შორის ახალი ტექნოლოგიების სფეროში ინფორმაციისა და გამოცდილების გაზიარებას, ერთობლივი პროექტების დაგეგმვას, თანამშრობლობის დამყარებას საერთო მიზნების მიღწევაში.
აღნიშნული ღონისძიების მომხსენებლები არიან უკრაინის ერთ-ერთი უმსხვილესი ინფორმაციული ტექნოლოგიების კომპანიის "დე ნოვო" (De Novo) დირექტორები მაქსიმ აგეევი და გენადი კარპოვი.
"დე ნოვოს" აქვს მდიდარი პრაქტიკული გამოცდილება "ღრუბლოვანი" ინფრასტრუქტურების შექმნასა და ექსპლუატაციაში. დენოვოს ინვესტორები არიან საერთაშორისო საინვესტიციო-ტექნოლოგიური ჰოლდინგი "კა-ემ ქორ" (KM Core) კორპორაციის "ინტელ" (Intel Corporation) გლობალური საინვესტიციო ფონდი - "ინტელ კაპიტალ" (Intel Capital), საერთაშორისო საფინანსო კორპორაცია (IFC) - მსოფლიო ბანკის ჯგუფი.
საქართველოდან სემინარს დაესწრებიან უმსხვილესი კომპანიები და სახელმწიფო სტრუქტურების - შინაგან საქმეთა სამინისტროს, ჯანდაცვის სამინისტროს, კომერციული ბანკების, საფინანსო ორგანიზაციების, სუპერმარკეტების ქსელების, ნავთობკომპანიების და სხვა სექტორების წარმომადგენლები.
