რუსეთში გამართულ საპროტესტო აქციებს ვაშინგტონი გამოეხმაურა. თეთრი სახლის ოფიციალური წარმომადგენლის ჯეი კარნის განცხადებით, მოსკოვში გამართული მიტინგები რუსეთის ფედერაციაში დემოკრატიასთან დაკავშირებული ვითარების გაუმჯობესებაზე მეტყველებს.
"მოსკოვში და რუსეთის სხვა ქალაქებში გამართული დემონსტრაციები კარგი ნიშანია მათთვის ვინც მხარს უჭერს დემოკრატიულ პროცესებს", - განუცხადა ჟურნალისტებს ჯეი კარნიმ.
მისი თქმით, დადებითი ასპექტია, რომ ხელისუფლებამ მიტინგების გამართვის ნებართვები გასცა.
"რუსეთის ხელისუფლებამ მიტინგების გამართვის ნება დართო და თავი შეიკავა მათში ჩარევისგან", - განაცხადა თეთრი სახლის ოფიციალური წარმომადგენლმა.
ჯეი კარნის რუსეთის პრეზიდენტის დიმიტრი მედვედევის მიერ "ფეისბუკზე" გაკეთებულ განცხადებაზეც გააკეთა კომენტარი და აღნიშნა, რომ ცესკომ ყველა საარჩევნო დარღვევა სათანადოდ უნდა გამოძიოს.
