საქართველოს ეროვული საფეხბურთო ნაკრების ექს-კაპიტანი კახა კალაძე გულშემატკივარს კიდევ ერთხელ უხდის მადლობას და იმედს გამოთქვემს რომ ყველაფერი კარგად იქნება.
„ყველას ძალიან დიდი მადლობა, ასეთი თბილი სიტყვებისათვის. ყველაფერი დალაგდება და ღვთის ნებით-კარგად იქნება", - წერს კალაძე Facebook-ში თავის გვერდზე.
იქვე კალაძე აცხადებს, რომ ხვალ საზოგადოებისთვის ცნობილი გახდება თუ რატომ მიიღო საქართველოს ეროვნული ნაკრების დატოვების გადაწყვეტილება.
„გუშინ არ დავღალე საზოგადოება იმის ახსნით თუ რატომ მივიღე ეს გადაწყვეტილება, მაგრამ ხვალ ყველაფერს გაიგებთ და ვფიქრობ, ამ სიტუაციაში თითქმის ყველა ადამიანი ასე მოიქცეოდა. კიდევ ერთხელ დიდი მადლობა. ძალიან გაფასებთ.", - აღნიშნავს კალაძე.
შეგახსენებთ, რომ გუშინ "ქართული ოცნების" პრეზენტაციაზე კალაძემ ნაკრების დატოვების შესახებ განაცხადა.
