"ხილულ პერსპექტივაში ევროკავშირში გაწევრიანება საქართველოსა და უკრაინისთვის "ცისფერ ოცნებად" დარჩება",- ეს განცხადება ევროკავშირში რუსეთის მუდმივმა წარმომადგენელმა ვლადიმერ ჩიჟოვმა გააკეთა.
"რაც შეეხება პოსტსაბჭოთა სივრცის ზოგი ქვეყნის ლიდერის ცისფერ ოცნებას ევროკავშირის წევრობასთან დაკავშირებით, ვფიქრობ, რომ ხილულ პერსპექტივაში ეს მათ ცისფერ ოცნებად დარჩება", _ განაცხადა ჩიჟოვმა ვიდეოხიდის რუსეთი-ბრიუსელის მიმდინარეობისას და აღნიშნა, რომ ამ გეგმების რეალიზების შანსები "მინიმალურია".
ჩიჟოვის თქმით, ეს სულაც არ ნიშნავს, რომ ევროკავშირი ამ ქვეყნებთან ურთიერთობების განვითარებაზე უარს იტყვის.
"ცნობილია, რომ მაგალითად უკრაინასთან მიდის მოლაპარაკება ასოციაციის შესახებ, ასევე მიდის მოლაპარაკებები პოსტსაბჭოთა სივრცის სხვა ქვეყნებთან სავიზო რეჟიმის გამარტივების პერსპექტივის შესახებ", _ აცხადებს რუსეთის წარმომადგენელი.
