მწერალის გურამ ოდიშარიას შეფასებით, საქართველოს დაკარგულ ტერიტორიებს ვერ დაიბრუნებს თუ ურთიერთობის ნორმად სიძულვილი დარჩება.
ამის შესახებ ოდიშარიამ დღეს, საზოგადოებრივი მოძრაობის "ქართული ოცნების პრეზენტაციაზე განაცხადა.
"ვერასოდეს ტერიტორიებს ვერ დავიბრუნებთ, თუ იმ იქ მცხოვრებლები ადამინ-ადამიან, აფხაზ-აფხაზ და ოს-ოს არ დავიბრუნეთ. რაც არ უნდა კარგი კონცეფციები დაიწეროს, რაც არ უნდა კარგი დოკუმენტები იყოს ხელმოწერილი არ იმუშავებს, თუ ჩვენს შორის ურთიერთობის ნორმად ისევ სიძულვილი დარჩება", - აღნიშნა მან.
მისივე შეფასებით, დაპირისპირებულ მხარებისთვის არსებობს შეხების წერტილები, რომელიც ყველას ინტერესში შედის, თუმცა მის მოსაძებნად დიალოგის დაწყებაა აუცილებელი.
"დღეს ჩვენი სამშობლო ისეთია როგორებიც ჩვენ ვართ და ხვალ ისეთი იქნება როგორებიც ჩვენი შვილიშვილები იქნებიან. სამწუხაროდ უახლოეს ისტორიაში ძალიან ცუდათ დაგვებედა მტრებისა და მოღალტეების შიგნით მოძიება, განსხვავებული აზრების უგულებელყოფა", - აღნიშნა ოდიშარიამ და აქვე დასძინა, რომ ქართულ რეალობისთვის ძალების კონსოლიდაცია მიუღებელი გახდა და მხოლოდ გამარჯვებულები და დამარცხებულები არსებობენ.
"ჩვენი არ გვაქვს მოლოდინი, რომ მოხდეს მათი გაერთიანება და ერთად გამარრჯვება, როგორც ეს ნორმალურ ქვეყნებში ხდება", - აღნიშნა მწერალმა.
