კახი კალაძე საქართველოს ეროვნულ საფეხბურთო ნაკრებს ტოვებს. ამის შესახებ კახი კალაძემ "ქართული ოცნების" პრეზენტაციაზე განაცხადა.
კალაძემ მადლობა გადაუხადა ყველა თანაგუნდელს, მწვრთნელსა და გულშემატკივარს, რომელიც 15 წლის განმავლობაში მის გვერდით იდგა.
მან ასევე ბოდიში მოიხადა "ერთი მატჩისთვის".
"საქართველოს ნაკრებში 83 მატჩი ჩავატარე, მაგრამ ყველაზე დასანანი იყო ერთი, რომელმაც ძალიან იმოქმედა ჩემზე. ეს შემთხვევით მოხდა, თუმცა გულშემატკივარ მაინც ბოდიში მინდა მოუხადო", - აღნიშნა კლაძემ.
ამასთან, ქართველმა ფეხბურთელმა ასევე ისურვა რომ სხვა ადამიანებმაც მოიხადონ ბოდიში.
"მე ბოდშის ვიხდი კიდევ ერთხელ და კარგი იქნება თუ ის ადამიანებიც მოიხდიან ბოდიშს, რომლებსაც საქართველოს ისტორიაში "ავტოგოლებით მოდიან", - განაცხადა კალაძემ.
