თბილისში ოთხი ადამიანი მოიწამლა მხუთავი აირით. ვარაუდობენ, რომ ინციდენტის მიზეზი ისევ გაზის გამათბობლის გაუმართაობა გახდა. ამჟამად პაციენტები მეხუთე კლინიკურ საავადმყოფოში არიან გადაყვანილები და მათი ჯანმრთელობის მდგომარეობა სტაბილურია.
დაშავებულთა შორის ერთი ბავშვია, რომელიც იაშვილის კლინიკაში მოათავსეს.
დედაქალაქის მერია კიდევ ერთხელ შეახსენებს მოქალაქეებს, რომ მათ შეუძლიათ ისარგებლონ მერიის ცხელი ხაზით და სპეციალურ სამსახურს უფასოდ შეამოწმებინონ გაზგამათბობლების ტექნიკური გამართულობა.
