აფხაზეთის მთავრობის ორგანიზებით დღეს, 9 დეკემბერს, 16:00 საათზე, „თბილისი არტ ჰოლში" „აფხაზეთობა 2011" გაიხსნება. ორდღიანი ღონისძიების ფარგლებში აფხაზეთის მხატვართა ნამუშევრების გამოფენა, აფხაზეთის სახელოვნებო სკოლების შემოქმედება და გიორგი შერვაშიძის პრემიის ლაურეატთა დაჯილდოება მოეწყობა. დღესვე ქართველი მომღერლის ნინო ჩხეიძის შესრულებით აფხაზური სიმღერის ,,ნანი კარას" პრემიერა შედგება.
,,აფხაზეთობა 2011"-ის ფარგლებში აფხაზეთის სიმღერისა და ცეკვის სახელმწიფო ანსამბლისა და ქართული ესტრადის მომღერლების მონაწილეობით გალა-კონცერტი გაიმართება. ღონისძიება ალბომის „სიმღერები აფხაზეთზე" პრეზენტაციით დასრულდება.
აფხაზეთის მთავრობის ორგანიზებით "აფხაზეთობა" ტრადიციულად მესამე წელია ტარდება.
ღონისძიების ფარგლებში 16:00 საათზე მოუწყობა აფხაზეთის მხატვართა ნამუშევრების გამოფენა; 18:30სთ. -გიორგი შერვაშიძის პრემიის ლაურეატთა დაჯილდოება.19:00სთ. - გალა-კონცერტი აფხაზეთის სიმღერისა და ცეკვის სახელმწიფო ანსამბლისა და ესტრადის მომღერლების მონაწილეობით. 21:00სთ. -ალბომის პრეზენტაცია „სიმღერები აფხაზეთზე"