„თბილისი არტ ჰოლში" 9-10 დეკემბერს „აფხაზეთობა 2011" მოეწყობა. ორდღიანი ღონისძიების ფარგლებში აფხაზეთის მხატვართა ნამუშევრების გამოფენა, აფხაზეთის სახელოვნებო სკოლების შემოქმედება, გიორგი შერვაშიძის პრემიის ლაურეატთა დაჯილდოება, ასევე, გალა-კონცერტი აფხაზეთის სიმღერისა და ცეკვის სახელმწიფო ანსამბლისა და ესტრადის მომღერლების მონაწილეობით. ღონისძიებას ალბომის პრეზენტაცია „სიმღერები აფხაზეთზე" დაასრულებს.
ღონისძიების ორგანიზატორია აფხაზეთის ა/რ განათლებისა და კულტურის სამინისტრო.
აღსანიშნავია, რომ "აფხაზეთობა" ტრადიციულად ყოველ წელს ტარდება.
