დღეს, 8 დეკემბერს 14:00 საათზე, საქართველოში ესტონეთიდან სპეციალურად მოწვეული ექსპერტი ვაიდო ჰოლდოია, საავტორო უფლებების დაცვისა და აღსრულების საკითხებისადმი მიძღვნილ საჯარო შეხვედრას გამართავს. შეხვედრა ორგანიზებულია ეკონომიკური პოლიტიკისა და სამართლებრივი საკითხების ევროპული საკონსულტაციო ცენტრის GEPLAC-ის, ინტელექტუალური საკუთრების ეროვნული ცენტრის `საქპატენტისა~ და საქართველოს საავტორო უფლებათა ასოციაციის მიერ.
საჯარო შეხვედრის მიზანია, მის მონაწილეებს გააცნოს საქართველოში საავტორო უფლებების დაცვასა და აღსრულებასთან დაკავშირებული მდგომარეობა. ასევე, ხელი შეუწყოს სამთავრობო სტრუქტურებს, არასამთავრობო ორგანიზაციებს, ავტორებსა და სხვა დაინტერესებულ პირებს შორის დიალოგის გამართვას. შეხვედრის მონაწილეები გაეცნობიან ევროკავშირის წევრ ქვეყნებში საავტორო უფლებების დაცვასა და აღსრულებასთან დაკავშირებულ საკითხებზე არსებულ პრაქტიკას. მონაწილეებს საშუალება მიეცემათ, იმსჯელონ საავტორო უფლებების დაცვის თემაზე, დასვან და მიიღონ პასუხები მათთვის საინტერესო კითხვებზე.
შეხვედრას დაესწრებიან საქპატენტის, საავტორო უფლებათა ასოციაციის, საქართველოს მთავრობის, საქართველოში ევროკავშირის დელეგაციის ექსპერტები, კერძო კომპანიებისა და არასამთავრობო ორგანიზაციების წარმომადგენლები და სხვა დაინტერესებული პირები.
შეხვედრა გაიმართება ევროპის სახლში (მისამართი: თბილისი, შ. დადიანის ქ. 2)
