"რუსთავი 2"-ის ინფორმაციით, საერთაშორისო რესპუბლიკურმა ინსტიტუტმა ახალი კვლევის შედეგები გამოაქვეყნა, რომლის ფარგლებში ქვეყნის მასშტაბით 27 ოქტომბრიდან 11 ნოემბრამდე 4,000 ადამიანი გამოიკითხა. კვლევის შედეგები ასე გადანაწილდა:

კითხვაზე, "შემდეგ კვირას, რომ საპარლამენტო არჩევნები ტარდებოდეს, რომელ პარტიას მისცემდით ხმას", გამოკითხულთა 42%-მა "ერთიანი ნაციონალური მოძრაობა" დაასახელა, 18% ბიძინა ივანიშვილის პოლიტიკური გუნდს, და 8%- ქრისტიან-დემოკრატიულ მოძრაობას ასახელებს. ლეიბორისტული პარტიის რეიტინგი 3%-ია, სხვა ყველა პოლიტიკური ძალა კი 1 პროცენტიან ზღვარში მერყეობს.

საერთაშორისო რესპუბლიკური ინსტიტუტის გამოკითხვის თანახმად, ოპოზიციონერ ლიდერთა შორის 22 % -ით გიორგი თარგამაძე ლიდერობს, შემდეგ ადგილზეა ბიძინა ივანიშვილი 21%-ით, შალვა ნათელაშვილი 4%-ით და ირაკლი ალასანია 3%-ით.

გამოკითხვაში პოლიტიკური ლიდერების კეთილგანწყობის რეიტინგიცაა. მიხეილ სააკაშვილის მიმართ კეთილგანწყობილი, გამოკითხულთა 72 პროცენტია.

საერთაშორისო რესპუბლიკური ინსტიტუტის კვლევებში მოსახლეობისთვის მნიშვნელოვან თემებზეც არის საუბარი. გამოკითხვის შედეგების თანახმად, ბოლო 6 თვის განმავლობაში მოსახლეობის ოპტიმისტური განწყობა 9 პროცენტით გაიზარდა და ის 87 პროცენტია.

ყველაზე მნიშვნელოვანი საკითხად მოსახლეობისთვის, კვლევის თანახმად კვლავ უმუშევრობაა. შემდეგ მოდის ტერიტორიული მთლიანობა, ეკონომიკა და სოციალური პრობლემები.

გამოკითხულთა 98 პროცენტი აცხადებს, რომ ბოლო ერთი წლის განმავლობაში ქრთამის მიცემა ად დასჭირვებია მისთვის სასურველი მომსახურების მისაღებად.