ხე-ტყის მოპოვებასთან დაკავშირებული ჯარიმების ნაწილზე ამნისტია გამოცხადდა. "ზოგიერთ ადმინისტრაციული სახდელისგან გათავისუფლების შესახებ" კანონი პარლამენტმა საბოლოო მოსმენით დაამტკიცა.
ამნისტია შეეხო დაცული ტერიტორიებისა და მათი ტერიტორიულ-ფუნქციონალური ზონების საზღვრებში მერქნიან მცენარეთა უკანონო გაჩეხვა და დაზიანების მუხლს;
ჯარიმისგან გათავისუფლება შეეხოთ ტყითსარგებლობის წესებისა და მოთხოვნების დარღვევისთვის; უკანონო ტყითსარგებლობისთვის; გარემოსდაცვითი ტექნიკური რეგლამენტების მოთხოვნების დარღვევისთვის; ხე-ტყის პირველადი გადამუშავების, ხე-ტყის ტრანსპორტირებისა და რეალიზაციის მოთხოვნათა დარღვევისთვის; ხე-ტყის პირველადი გადამამუშავებელი ობიექტის (სახერხი საამქროს) ტექნიკური რეგლამენტის მოთხოვნების დარღვევისთვის დაჯარიმებულ პირებს.
პარლამენტის მიერ მიღებული გადაწყვეტილებით, გადაუხდელი ჯარიმებისგან გათავისუფლდებიან პირები, რომელთაც კონკრეტული სამართალდარვევები 2011 წლის 1-ელ ნოემბრამდე ჩაიდინეს.
