ფანასკერტელის ქუჩაზე გაჩენილი ცეცხლი მსხვერპლით დასრულდა. ხანძარი თბილისში ფანასკერტელის ქუჩაზე მდებარე მე-15 ა კორპუსის მეოთხე სართულზე გაჩნდა. კვამლისგან დედა-შვილი - 80 წლის ქალი და 57 წლის მამაკაცი გაიგუდნენ. მათ ხანძრის დროს სავარაუდოდ ეძინათ.
ხანძრის გამომწვევი ზუსტი მიზეზი ჯერჯერობით უცნობია და მას გამოძიება დაადგენს. წინასწარი ინფორმაციით, ხანძრის გამომწვევ მიზეზად სიგარეტის ნამწვავი ან ელექტროგამათბობელი სახელდება. შემთხვევის ადგილზე ამჟამად კრიმინალისტები მუშაობენ.
ვრცელდება ასევე ინფორმაცია, რომ მამაკაცი იყო ნასვამი და სწორედ მას გაუვარდა ხელიდან სიგარეტის ნამწვავი, რამაც ბინაში აალება გამოიწვია.
