ფრაქცია ~ერთობა სამართლიანობისთვის~ თავმჯდომარე, ~თავისუფალი დემოკრატების~ წევრი გიორგი ცაგარეიშვილის განცხადებით, ~თუკი ვინმე ვინმეს არა თუ ფსიქოლოგიურ, არამედ ფსიქიატრიულ ანალიზს უკეთებდა, ეს პირველ რიგში ~ქრისტიან-დემოკრატები~ იყვნენ~.
დღეს პარლამენტის სხდომაზე გამოსვლისას ცაგარეიშვილმა განაცხადა, რომ ~ქრისტიან-დემოკრატიული მოძრაობა~, მისი შექმნის პირველივე დღიდან, ხელისუფლების მხრიდან სტაციონალურ მდგომარეობაში ფსიქიატრიული ანალიზის ობიექტს წარმოადგენდა.
~გეთანხმებით, რომ აუცილებელია მულტიპარტიული დემოკრატია და პარლამენტში მოსახვედრად შესაბამისი ხმების მოპოვება, მაგრამ ეს ყველაფერი სამართლიანობაზე და კანონის უზენაესობაზე უნდა გადიოდეს. ის, რომ პარლამენტის წევრთა რაოდენობა 150 დეპუტატამდე 2003 წელს ჩატარებული რეფერენდუმის შედეგად შემცირდა, ეჭვი არავის ეპარება და ამ მიმართულებით საკითხი რეფერენდუმითვე უნდა გადაწყდეს, მაგრამ თქვენ რეფენდუმს ვერ ჩაატარებთ, რადგან დეპუტატთა რაოდენობის გაზრდის თაობაზე სარეფედენდუმო კითხვა ჩასავარდნად არის განწირული~ - განაცხადა ცაგარეიშვილმა.
მან ქრისტიან-დემოკრატებს: ლევან ვეფხვაძესა და გიორგი ახვლედიანსაც მიმართა, რომლებიც იმ დროს სხდომათა დარბაზში უკვე აღარ იყვნენ. ~ის, თუ ვის რისი ერთი ადგილი აქვს, ყველაზე კარგად პატიოსნად ჩატარებულ არჩევნებში გამოჩნდება, როგორშიც მონაწილეობის შნო და ლაზათი ~ქრისტიან-დემოკრატებს~ არ გააჩნიათ~, - აღნიშნა გიორგი ცაგარეიშვილმა.