საზოგადოებრივი წესრიგის დასამყარებლად მოსკოვისკენ რუსეთის შინაგანი ჯარის ნაწილები დაიძრნენ. ინფორმაციას ამის შესახებ რუსული მედია ავრცელებს.
"დედაქალაქში შინაგანი ჯარის ნაწილების შეყვანა რუსეთის შს სამინისროს მთავარი სამმართველოს მოთხოვნით განხორციელდა და მას ერთი მიზანი აქვს: მოქალაქეთა უსაფრთხოების დაცვა", _ აცხადებს რუსეთის შს სამინისტროს შინაგანი ჯარის პრესამსახურის უფროსი პოლკოვნიკი ვასილი პანჩენკოვი და აღნიშნავს, რომ "შინაგანი ჯარების სამხედრო მოსამსახურეები შესაძლოა ჩართული იყვნენ საზოგადოებრივი წესრიგისა და მოქალაქეთა უსაფრთხოების დაცვაში. პირადი შემადგენლობის ჩართვას ღონისძიებებში და მათ რაოდენობას რუსეთის შს სამინისროს მოსკოვის მიმართულების მთავარი სამმართველო განსაზღვრავს", _აცხადებს პოლკოვნიკი.
მისივე თქმით, სამხედრო მოსამსახურეები სხვა რეგიონებიდან მოსკოვში გადმოყვანილი არ იქნებიან და ის წესრიგს მხოლოდ დერჟინსკის სახელობის დივიზია დაიცავს.