ტყიბულის და თერჯოლის მრავალპროფილიანი საავადმყოფოები უახლესი ტექნოლოგიებით არის აღჭურვილი და საერთაშორისო სტანდარტებს შეესაბამება. ორივე კლინიკა მაღალ კვალიფიცირებული მედპერსონალით არის დაკომპლექსებული. თითოეულ სამედიცინო ცნეტრში 100-მდე ექიმი და ექთანია დასაქმებული.

ამ ორი ცენტრი შესაქმნელად საზაზღვეო კომპანია ალდაგი ბისიაიმ 5 მილიონი დოლარის ინვესტიცია განახორციელა.

მიხეილ სააკაშვილის განცხადებით, ჰოსპიტალური სექტორის განვითარებაში მილიარდი ლარის ინვესტიცია ჩაიდო და საქართველოს ყოფილ პოსტსაბჭოთა სივრცეში და აღმოსავლეთ ევროპაში ყველაზე საუკეთესო ჯანდაცვის სისტემა აქვს.

"დღეს ვხსნით 2 სავადმყოფოს. მე მინდა ყველას გასაგონად ვთქვა, ვისაც ეჭვი ეპარება, ერთი და იგივე ხალხი იძახის ხოლმე, რომ ჩვენ ვერ ავაშენებთ 100 საავადმყოფოს. ახლა გადაერთნენ სხვა თემაზე და იძახიან, რომ ჩვენ ვერ ავაშენებთ ახალ ქალაქ ლაზიკას. მინდა ვუთხრა ამ ურწმუნო თომებს ხომ იძახოდით, რომ ვერ ავაშენებდით საავადმყოფოებს, მილიარდი ლარი ჩაიდო ინვესტიცია ჰოსპიტალურ სექტორში. საქართველოში შენდება 150 ულტრათანამედროვე საავადმყოფო. ჩვენ ვქმნით ყოფილ საბჭოთა კავშირის ტერიტორიაზე ყველაზე მაგარ ჯანდაცვის სისტემას. ვისაც ეჭვი ეპარება, რომ ჩვენ ვერ ავაშენებთ ქალაქს, მინდა ვუთხრა რომ ჩვენ ერთი ლაზიკა უკვე ავაშენეთ და ამ ქალაქის სახელია ქალაქი ბათუმი", - განაცხადა პრეზიდენტმა და აღნიშნა, რომ თუ ვინმეს გონია, რომ ბათუმი 6 წლის წინანდელია დღეს "ვფქირობ, ცდება და სხვა თვალით უნდა შეხედოს ამ ყველაფერს, იმიტომ რომ მარტო უძრავი ქონების გადასახადი ბათუმში ბოლო წლებში 10 მილიონით გაიზარდა".

"ეს ნიშნავს, რომ იზრდება ბინების ფასი, მეტი დასაქმება ჩნდება, ამას ყველაფერს ქართველები აშენებენ და თან ძველი ქალაქის შეცვლა ბევრად უფრო ძნელია ვიდრე ახალი ქალაქის აშენება. ქუთაისში ვგეგმავთ რომ დაახლოებით მილიარდი ლარი ჩაიდება. ბევრად მეტია გასაკეთებელი, რაც სერიოზულად დაეტყობა ქალაქს. ვფიქრობ, ლაზიკა რომ აშენდეს ჩვენ სადღაც გაზაფხულზე დავიწყებთ ამ მშენებლობას ამას დაახლოებით მილიარდ ნახევარი ლარი უნდა", - განაცხადა პრეზიდენტმა.