ბიძინა ივანიშვილი 60-მდე ახალგაზრდული ორგანიზაციის წარმომადგენელს შეხვდა.
როგორც "ჯი-ეიჩ-ენს" ივანიშვილის პრეს სამდივნოდან აცნობეს, ახალგაზრდებმა ბიძინა ივანიშვილს ქვეყნის კრიზისიდან გამოსვლის საკუთარი ხედვა გააცნეს და არსებულ პრობლემებზე ესაუბრეს.
"თავის მხრივ ბიძინა ივანიშვილმა დაწვრილებით ისაუბრა იმ როლზე, რომელიც ახალგაზრდობას ქვეყნის კრიზისიდან გამოსვლაში აკისრია. ბიძინა ივანიშვილის შეხვედრა ახალგაზრდული ორგანიზაციების წარმომადგენლებთან დაახლოებით 3 საათი გაგრძელდა", - იტყობინება ივანიშვილის პრეს სამდივნო.
