"1982 წლის მსოფლიო ჩემპიონატის კერპი გარდაიცვალა ჰოსპიტალში. ჰოსპიტალში სოკრატესი ხუთშაბათს სან პაულოს ერთ-ერთი სასტუმროდან გადაიყვანეს, სადაც ცუდად გახდა", - წერს "დეილი მეილი".

სოკრატესს ნაწლავური ინფექცია ალკოჰოლის ჭარბი მიღების გამო განუვითარდა. ის საავადმყოფოს რეანიმაციულ განყოფილებაში ბოლო ოთხი თვის განმავლობაში მესამედ მოათავსეს.

სოკრატესი (სოკრატეს ბრაზილეირო სამპაიო დე სოუზა ვიეირა დე ოლივეირა) 1954 წლის 19 თებერვალს დაიბადა. ის ბრაზილიის ნაკრებში, "ბოტაფოგოში," "კორინთიანსში," ფლორენციის "ფიორენტინაში," "ფლამენგოსა" და "სანტოსში" თამაშობდა. გამოირჩეოდა ორგანიზატორული ნიჭით და ზუსტი პასებით. 1982 და 1986 წლების მსოფლიოს ჩემპიონატების მონაწილე. 1982 წლის მუნდიალზე იყო ბრაზილიელთა კაპიტანი. ბრაზილიის ნაკრების 63 მატჩში გაიტანა 25 გოლი. 1983 წელს დაასახელეს სამხრეთ ამერიკის საუკეთესო ფეხბურთელად. სან პაულოს შტატის სამგზის ჩემპიონი. სოკრატესი პროფესიით ექიმი იყო და საკუთარი ჰოსპიტალიც ჰქონდა.