დღეს საპარლამენტო ფრაქცია "ქრისტიან-დემოკრატები" ენერგეტიკისა და ბუნებრივი რესურსების მინისტრს ალექსანდრე ხეთაგურს შეხვდნენ.
ხეთაგურის ინფორმაციით, 1 მლნ 300 ათასი ნერგი უკვე გამოყვანილია და მომავალი წლიდან ბორჯომში გადამწვარი ტყის ადგილას დაირგვება.
გადამწვარ ტყეში არსებული შეშა მოიჭრება, დასაწყობდება და შემდეგ მოსახლეობას დაურიგდება. კერძოდ სიღატაკის ზღვარს ქვემოთ მყოფ ადამიანებს.
ქრისტიან-დემოკრატების მიერ გამართულ შეხვედრას ბორჯომელებიც ესწრებოდნენ. შეხვედრაზე ბორჯომის რაიონის მოსახლეობის წარმომადგენლმა შეკითხვა დასვა თუ რატომ არ შეიძლება, რომ მოქალაქეები შევიდნენ გადამწვარ ტერიტორიაზე და იქიდან გამოიტანონ შეშა.
მინისტრმა აღნიშნა, რომ აღნიშნულ ტერიტორიაზე მუშაობა უსაფრთხო არ არის და ტექნიკურადაც შეუძლებელია.
