2011 წლის ნოემბერში 2010 წლის ნოემბერთან შედარებით ინფლაციის დონემ საქართველოში 1,9 პროცენტი შეადგინა.
"საქსტატის" ინფორმაციით, მოცემულ პერიოდში სურსათსა და უალკოჰოლო სასმელებზე ფასები შემცირდა 0,2 პროცენტით და ჯგუფის წვლილმა წლიური ინფლაციის საერთო მაჩვენებელში -0,04 პროცენტული პუნქტი შეადგინა.
ფასების შემცირების მაღალი მაჩვენებლები დაფიქსირდა ასევე ხილისა და ყურძნის ქვეჯგუფზე (24,3 პროცენტი), ბოსტნეული, ბაღჩეული, კარტოფილი და სხვა ბოლქოვანების ქვეჯგუფზე (18,2 პროცენტი). ფასების ზრდა დაფიქსირდა ხორცსა და ხორცის პროდუქტების ქვეჯგუფზე (21,5 პროცენტი), შაქარსა და ტკბილეულობის ქვეჯგუფზე (7,3 პროცენტი), რძე, ყველი და კვერცხის ქვეჯგუფზე (5,5 პროცენტი).
ფასები გაიზარდა ასევე ტრანსპორტზე. 2011 წლის ნოემბრიდან 2010 წლის ნოემბრამდე ტრანსპორტზე ფასები გაიზარდა 16,9 პროცენტით. შესაბამისად, ჯგუფის წვლილმა წლიური ინფლაციის მაჩვენებელში 1,67 პროცენტული პუნქტი შეადგინა. აღნიშნულ ჯგუფში ფასების მნიშვნელოვანი მატება დაფიქსირდა სამოქალაქო საგზაო ტრანსპორტზე (24,3 პროცენტი), სატრანსპორტო მომსახურების ქვეჯგუფზე (24,0 პროცენტი), საწვავ-საპოხი მასალების ქვეჯგუფზე (14,6 პროცენტი).
2011 წლის ნოემბერში 2010 წლის ნოემბერთან შედარებით ფასების 7,7 პროცენტიანი კლება დაფიქსირდა კავშირგაბმულობის ჯგუფზე, რომლის წვლილმაც ინფლაციის საერთო მაჩვენებელში -0,28 პროცენტული პუნქტი შეადგინა