საქართველოს სოფლის მეურნეობის სამინისტროს მიერ სსიპ ,,ღვინის ეროვნული სააგენტოს" ხელმძღვანელის თანამდებობზე 7 ნოემბერიდან გამოცხადებულ კონკურსში მონაწილეთა განაცხადების მიღება 30 ნოემბერს დასრულდა. სულ 198 განაცხადი შემოვიდა, მათ შორის 9 უცხო ქვეყნის მოქალაქეა.
სოფლის მეურნეობის სამინისტროს ინფორმაციით, ამ კონკურსისათვის სპეციალურად შექმნილი კომისია, რომლის შემადგენლობაშიც სახელმწიფო სტრუქტურების წარმომადგენლები, ბიზნესმენები და კერძო კომპანიების ხელმძღვანელები შედიან, მიღებულ განაცხადებს განიხილავს. შერჩეულ კანდიდატებთან გასაუბრების შემდეგ, სსიპ ,,ღვინის ეროვნული სააგენტოს" ხელმძღვანელის ვინაობა ცნობილი გახდება.
ასევე დასრულდა სსიპ ,,ღვინის ეროვნული სააგენტოს" ლოგოს დიზაინის შექმნაზე გამოცხადებული კონკურსიც. სულ შემოვიდა 36 განაცხადი. გამარჯვებულს სოფლის მეურნეობის სამინისტროში შექმნილი სპეციალური კომისია გამოავლენს.