ბარათზე დარიცხული 200 ლარით მომხმარებელს შეუძლია შეიძინოს მისთვის სასურველი პროდუქცია გუდვილის სუპერმარკეტში, როგორც თბილისში, ასევე ბათუმში და გორში. დარიცხული 200 ლარის გამოყენება მთელი წლის მანძილზე იქნება შესაძლებელი.
იმ შემთხვევაში, თუ ერთი ოჯახიდან ორი მანქანის დაზღვევა მოხდება, ჯიპიაი ჰოლდინგი ავტომობილის მფლობელებს გარდა 200 ლარიანი საჩუქრისა, დამატებით ავტოპასუხისმგებლობის დაზღვევას გადასცემს, რომლის ლიმიტი 5 000 ლარია. ხოლო სახლის ან აგარაკის დაზღვევის შემთხვევაში, საჩუქრად მიიღებს პასუხისმგებლობის პოლისს $ 10 000 ლიმიტით.

„წინა წლის მსგავსად, წელსაც გვინდა ჩვენს კლიენტებს საახალწლო საჩუქარი გავუკეთოთ -ყველას, ვინც ავტომობილს, სახლს ან აგარაკს ჯიპიაი ჰოლდინგში დააზღვევს, გადავცეთ 200 ლარი საჩუქრად საახალწლო საყიდლებისთვის. გარდა იმისა, რომ ავტომობილის მფლობელს მთელი წელი ავტომობილი ჩვენს კომპანიაში ექნება დაზღვეული, რაც თავისთავად მათთვის ფინანსური უსაფრთხოების გარანტიაა, მეორეს მხრივ ჩვენ მათ საახალწლო საყიდლებისთვის 200 ლარს ვჩუქნით. ამ თანხის გამოყენება მათ მთელი წლის მანძილზე შეეძლებათ. ვფიქრობ, რომ აქცია შარშანდელის მსგავსად წარმატებული იქნება და ბევრ ავტომფლობელს დააინტერესებს", - განაცხადა ჯიპიაი ჰოლდინგის მარკეტინგული კომუნიკაციების სამსახურის უფროსმა თინათინ სტამბოლიშვილმა.

ავტოდაზღვევასთან ერთად, ავტომობილის მფლობელებს მთელი წლის მანძილზე შეეძლებათ უფასო ავტო-ასისტანსის მომსახურებით ისარგებლონ. რაც გულისხმობს გზებზე ტექნიკურ დახმარებას: საბურავის სათადარიგოთი გამოცვლას, ადგილზე ბენზინის მიტანას, მანქანის დაქოქვას და ევაკუატორის დახმარებას.

აქციასთან დაკავშირებული საკითხებზე ინფორმაციის მიღება შესაძლებელია როგორც ჯიპიაი ჰოლდინგის ცხელი ხაზის 2 505 111 მეშვეობით, ასევე კომპანიის ოფიციალური ვებ გვერდის www.gpih.ge მეშვეობით, სადაც მომხმარებელს შეუძლია, როგორც ონლაინ შეკვეთის გაკეთება, ასევე ონალაინ კონსულტაციის მიღება აქციასთან დაკავშირებულ ნებისმიერ საკითხზე. ინფორმაციის მიღება ასევე შესაძლებელია ჯიპიაი ჰოლდინგის ფეისბუქის გვერდის მეშვეობით www.facebook.com/gpih.ge