სს „საქართველოს სახელმწიფო ელექტროსისტემა" 1998-2003 წლებში წარმოქმნილი სახელფასო დავალიანების გასტუმრებას განაგრძობს. ამასთან დაკავშირებით სსე-ს რეაბილიტაციის მმართველი სულხან ზუმბურიძე და ენერგეტიკისა და ბუნებრივი რესურსების მინისტრის პირველი მოადგილე მარიამ ვალიშვილი თანამშრომლებს დღეს, 12:00 საათზე სსე-ს ადმინისტრაციულ შენობაში შეხვდებიან და გადახდის პროცედურებს გააცნობენ.
სსე-ს გასულ წლებში დაგროვილი დავალიანება 3 მლნ ლარს აღემატება. კომპანიამ 2008 წლიდან დღემდე 474 921 ლარი დაფარა. დავალიანების გასტუმრება ეტაპობრივად განხორციელდება და 2013 წელს დასრულდება. მიმდინარე წელს სსე 917 017 ლარს გადაიხდის. დავალიანებას მიიღებენ სსე-ის როგორც ყოფილი, ასევე ამჟამინდელი თანამშრომლები, რომელთაც აღნიშნულ წლებში სახელფასო, სამივილინებო ან საქვეანგარიშო დავალიანება დაუგროვდათ.
"საქართველოს სახელმწიფო ელექტროსისტემაში" დავალიანების მქონე პირთა განცხადებები ყოველდღიურად შემოდის, რეგიონებში კი ინფორმაცია სსე-ის შესაბამის რეგიონალურ ქსელებში გროვდება. დავალიანებების მქონე პირთა მონაცემები სსე-ის სათაო ოფისს გადამოეცემა, სადაც ხდება საბუთების მომზადება გადარიცხვისთვის.