დღეს, 1-ელ დეკემბერს, 14:30 საათზე, აშშ-ის ელჩი ჯონ ბასი, სოფლის მეურნეობის მინისტრი ზაზა გოროზია, რეგიონული განვითარებისა და ინფრასტრუქტურის მინისტრი რამაზ ნიკოლაიშვილი და სხვა ოფიციალური პირები გორის რაიონის სოფელ ქერეში საირიგაციო სისტემის სარეაბილიტაციო სამუშაოებს მოინახულებენ. აშშ-ის მთავრობის დახმარებით განხორციელებული პროექტის ფარგლებში, შეკეთდება საირიგაციო სისტემა. საირიგაციო სისტემით ისარგებლებს 10 ათას ფერმერზე მეტი, რომელსაც წყლის არასაკმარისი რესურსის გამო მიწების სრულყოფილი დამუშავება უჭირდა.
ირიგაციის პროექტი ნაწილია აშშ-ის განვითარების საერთაშორისო სააგენტოს (UშAID) 20,6-მილიონიანი პროექტისა, რომლის მიზანია 2008 წლის კონფლიქტისა და ეკონომიკური კრიზისის შედეგად დაზარალებული ინფრასტრუქტურის აღდგენა და განვითარება. პროექტი ხორციელდება მუნიციპალური განვითარების ფონდის საშუალებით. საირიგაციო ინფრასტრუქტურის რეაბილიტაცია გააუმჯობესებს ცხოვრების ხარისხს სოფლად და ხელს შეუწყობს კერძო სექტორის ზრდას. ეს დახმარება აშშ-ის მთავრობის მიერ 2008 წლის კონფლიქტის შემდეგ საქართველოსათვის გამოყოფილი 1 მილიარდი დოლარის ნაწილია.
