დღეს, 1-ელ დეკემბერს ფინანსთა სამინისტროში დამატებითი დაფინანსებისა და სასესხო ხელშეკრულებები გაფორმდება. ფინანსთა სამინისტროს ინფორმაციით, 1-ელ დეკემბერს 12:15 საათზე ფინანსთა მინისტრი დიმიტრი გვინდაძე და გერმანიის რეკონსტრუქციის საკრედიტო ბანკის (KfW) გარემოს დაცვისა და ინფრასტრუქტურის ჯგუფის ხელმძღვანელი არნე გოსსი ხელს მოაწერენ დამატებითი დაფინანსების ხელშეკრულებას „იძულებით გადაადგილებულ პირთა საცხოვრებელი სახლების გადაუდებელი რეაბილიტაცია დასავლეთ საქართველოში" პროექტის დაფინანსებისთვის.
ასევე, 12:30 საათზე ფინანსთა მინისტრი დიმიტრი გვინდაძე და აზიის განვითარების ბანკის (ADB) მუდმივი წარმომადგენელი საქართველოში ქეითი მ. ჯულიანი (Kathie M. Julian) ხელს მოაწერენ სასესხო ხელშეკრულებას საქართველოსა და აზიის განვითარების ბანკს შორის „ურბანული მომსახურების გაუმჯობესების საინვესტიციო პროგრამა - პროექტი 2"-ის დაფინანსების მიზნით.