ორი ლიდერი ბრენდის "სოკარისა"და "გუდვილის" ერთობლივი მულტიფუნქციური კომპლექსი, რომელიც აღმოსავლეთ-დასავლეთის მაგისტრალის გორის მონაკვეთზე მდებარეობს და 4 ჰექტარ ფართობს მოიცავს, მომხმარებელს დღეიდან, 1-ლი დეკემბრიდან ელოდება.
კომპლექსში წარმოდგენილი "სოკარის" ავტოგასამართი სადგური ინფრასტრუქტურულად ისეა მოწყობილი, რომ მომხმარებელს მაქსიმალურ კომფორტს უქმნის. აღნიშნული ავტოგასამართი სადგურიც, როგორც სოკარის ყველა ავტოგასამართი ობიექტი, იაპონური ტექნიკითაა აღჭურვილი, რაც ჩასხმის 100% სიზუსტეს უზრუნველყოფს.
ევროსტანდარტების შესაბამისი უახლესი გერმანული ინფრასტრუქტურითა და დანადგარებით მოეწყო დასასვენებელი კომპლექსიც, რომელიც სუპერმარკეტ გუდვილს, სწრაფი კვების ობიექტს, ბარს, ბავშვთა გასართობ ოთახს და აფთიაქს აერთიანებს. ინტერიერის დიზაინიც და კეთილმოწყობაც გერმანელი სპეციალისტების მიერ იქნა შესრულებული. Yყველა სტანდარტი დაცულია, ყველა დეტალი გათვალისწინებული, რათა მომხმარებელმა მრავალფეროვანი და უმაღლესი ხარისხის მომსახურება მიიღოს, ისარგებლოს საბანკო მომსახურებითა თუ უსადენო ინერნეტით.
კომპლექსში 100-მდე ადამიანი დასაქმდა, რომელთა უმრავლესობაც ქალაქ გორის მაცხოვრებელია. აღნიშნული კომპლექსი "სოკარისა" და "გუდვილის" ერთობლივი პირველი პროექტია, სამომავლოდ კი მსგავსი მულტიფუნქციური ობიექტების გახსნა მთელი საქართველოს მასშტაბით იგეგმება.
შეგახსნებეთ, რომ აღნიშნული კომპლექსი ორი დღის წინ საქართველოს პრეზიდენტმა მიხეილ სააკაშვილმა გახსნა. პროექტი საქართველოს ძირითადი საერთაშორისო-სატრასპორტო ფუნქციისა და ქვეყნის ჩქაროსნული ავტომაგისტრალების პერსპექტიული განვითარების მიზნით ხორციელდება.