"დღეს კიდევ ერთხელ და მერამდენედ საქართველოში თავისუფალი სიტყვა დადგა დარტყმის ქვეშ - როდესაც ტელეკომპანია "მაესტრო" ჩვეულ ფორმატში არ ფუნქციონირებს, ხოლო ტელეკომპანიის ჟურნალისტები, პოლიციის კორდონებით გარშემორტყმულნი ვერ ახრხებენ თავიანთი საქმიანობის განხორციელებას. მიმაჩნია, რომ ფორმალური დავა ტელეკომპანია"მაესტროს" დამფუძნებლებსა და მმართველი კომპანიის დამფუძნებლებს შორის უნდა გადაწყდეს კანონის სახელით და სამართლებრივი გზით. ამას არაფერი უნდა ჰქონდეს საერთო ტელეკომპანიისა და მისი ჟურნალოსტებისათვის ხელის შეშლასთან. ჟურნალისტებს უნდა მიეცეთ თავისუფალი მუშაობისა და დამოუკიდებელი საქმიანობის წარმართვის უფლება.

მივმართავ მიხეილ სააკაშვილს შეეგუოს და თვალი გასუწოროს რეალობას, რომ საქართველო ცვლილებების ზღვარზეა და მომავალი ცვლილებებს ეკუთვნის. შეწყვიტეთ თქვენთვის არასასურველი ოპონენტს გამოჩენის გამო ბეჭდვითი მედიისა და ტელეკომპანიის დევნა სხვადასხვა ფორმალური საბაბით. ქართველმა ხალხმა ეს მომავალი თავისუფალ და დემოკრატიულ პრესასთან ერთად უნდა მოიპოვოს.

კიდევ ერთხელ სოლიდარობას ვუცხადებ ტელეკომპანია "მაესტროს" და მის ჟურნალისტთა კორპუსს და ვუერთდერბი საზოგადოებისა და მედიის წარმოამდგენელთა მოთხოვნას - სრული ფორმატით აღდგეს ტელეკომპანიის მაუწყებლობა", - ნათქვამია ნესტან კირთაძის განცხადებაში.