ტელეკომპანია მაესტროს შენობაში მეორე სართულზე იმყოფება მამუკა ღლონტი, რომელმაც შეძლო მაუწყებლობის აღდგენა, რათა საზოგადოებას მიაწოდოს ინფორმაცაი რა ხდება ტელევიზიასთან. ამის შესახებ ჟურნალისტებს რეზონანსის რედაქტორის მოადგილემ ელისო ჩაფიძემ ეროსი კიწმარიშვილთან საუბრის შემდეგ განაცხადა.
მისი თქმით, პირველ სართულზე იმყოფება ეროსი კიწმარიშვილი, რომელიც ვერ ახერხებს ზემოთ ასვლას და ცდილობს მოელაპარაკოს ჟურნალისტებს, რომ მასთან გააგრძელონ მუშაობა.
ელისო ჩაფიძის განმარტებით ჟურნალისტები ერთსულოვნები არიან და მისი თქმით, "ამ სიტუაციაში ეროსისთან მუშაობის გაგრძელებას არა პირებენ".
აქვე შეგახსენებთ, რომ ღლონტის მიერ გაშვებულ ეთერს ეროსი კიწმარიშვილმა რამდენიმე წუთის წინ უკანონო უწოდა, რადგან მისი თქმით, ღლონტი გათავისუფლებულია სამსახურიდან და მას ამის უფლება არ აქვს.
