კომპანია „თეგეტა მოტორსი"-სა და საერთაშორისო სტანდარტიზაციის ორგანიზაცია ISO-ს შორის გაფორმდა ახალი შეთანხმება, იქიდან გაამომდინარე, რომ კომპანიის საქმიანობის სფერო გაიზარდა, რის საფუძველზეც კომპანიას მიენიჭა ახალი ხარისხის სერთიფიკატი ISO 9001:2008. ხელშეკრულება 25 ნოემბერს გაფორმდა.
ISO 9001:2008 სერტიფიკატის სპეციფიკა გამოირჩევა იმით, რომ სერტიფიცირდება არა მხოლოდ საქონლის ხარისხი, არამედ კომპანიის მენეჯმენტის ხარისხიც. მეტად მნიშვნელოვანია მომსახურების დონის სერტიფიცირება, თუ რამდენად ოპტიმალურად იყენებს კომპანია თავის რესურსებს და რა ხერხებს მიმართავს სერტიფიცირების პროცესით განსაზღვრული პარამეტრების მუდმივი გაუმჯობესებისთვის. ზემოაღნიშნულის შედეგად შესაძლებელია ხარისხის კონტროლი ყველა ეტაპზე, რაც გამორიცხავს საბოლოო პროდუქტის დაბალ ხარისხს. ISO-ს წარმომადგენლების განცხადებით, კომპანია „თეგეტა მოტორსი"-ს სერთიფიკატის განახლება, უპირველეს ყოვლისა განაპირობა უმაღლესი დონის სერვისმა და საერთაშორისო სტანდარტების სერვის ცენტრებმა, რომელთაც „თეგეტა მოტორსი" ათასობით ერთგულ მომხმარებელს სთავაზობს.
ISO (საერთაშორისო სტანდარტიზაციის ორგანიზაცია) არის მსოფლიოში უმსხვილესი საერთაშორისო სტანდარტების გამცემი ორგანიზაცია. ISO - ს ქსელი გავრცელებულია მსოფლიოს 162 ქვეყანაში, რომლებიც კოორდინირებულნი არიან შვეიცარიის ქალაქ ჟენევაში მდებარე ცენტრალურ სააგენტოსთან.
ISO არის საზოგადოების და კერძო სექტორის დამაკავშირებელი და დამაახლოვებელი არასამთავრობო ორგანიზაცია. ერთი მხრივ, ორგანიზაციის მრავალი წევრი წარმოადგენს ამა თუ იმ ქვეყნის სახელმწიფო სტრუქტურას, მეორე მხრივ კი, სხვა წევრები არიან კერძო სექტორის წარმომადგენლები, რომელთა რიცხვიც წლიდან წლამდე იზრდება.
ცნობისთვის, შპს „თეგეტა მოტორსი" ცნობილი ბრენდია არა მხოლოდ საქართველოში, არამედ ქვეყნის საზღვრებს გარეთაც. კომპანიის არსებობის 16 წლის მანძილზე ათობით მილიონი დოლარის ინვესტიცია განხორციელა. კომპანიის მენეჯმენტი ხორციელდება პროგრამული მართვის მოწინავე სისტემის SAP -ის მეშვეობით. კომპანია ფლობს საერთაშორისო ხარისხის სერთიფიკატს ISO 9001:2008, არის მრავალგზის ოქროს ბრენდის ჯილდოების მფლობელი. კომპანია დაარსდა 1995 წელს და ფუნქციონირებდა „ავტოექსპორტის" სახელით. 2001 წელს მას დაერქვა „თეგეტა მოტორსი" და გარდაიქმნა ჰოლდინგად, რომელიც, თავის მხრივ, რამდენიმე კომპანიას აერთიანებს. მას გააჩნია 16 ფილიალი, რომლებიც თბილისში და საქართველოს ყველა დიდ ქალაქში მდებარეობს და მათი რიცხვი წლიდან წლამდე იზრდება. კომპანიაში დასაქმებულია 800-ზე მეტი თანამშრომელი.