"საქსტატის" აღმასრულებელი დირექტორის ინფორმაციით, 2010 წლის დაზუსტებული მონაცემებით, მშპ-ის ორნიშნა ზრდები დაფიქსირდა შემდეგ სექტორებში: დამამუშავებელი მრეწველობა (20,2 პროცენტი), საფინანსო საქმიანობა (14,7 პროცენტი), ვაჭრობა (14,1 პროცენტი), სასტუმროები და რესტორნები (13,1 პროცენტი), ტრანსპორტი (13,0 პროცენტი), სხვა კომუნალური, სოციალური და პერსონალური მომსახურება (11,6 პროცენტი), კავშირგაბმულობა (10,4 პროცენტი), ოპერაციები უძრავი ქონებით, იჯარა
და მომხმარებლისათვის მომსახურების გაწევა (10,1 პროცენტი).
ზაზა ჭელიძის განმარტებით, 2010 წელს ზრდა დაფიქსირდა შემდეგ სექტორებში: მშენებლობა (6,5 პროცენტი), სამთომოპოვებითი მრეწველობა (4,6 პროცენტი), განათლება (3,1 პროცენტი), ჯანმრთელობის დაცვა და სოციალური დახმარება (2,9 პროცენტი), ელექტროენერგიის, აირისა და წყლის წარმოება და განაწილება (2,0 პროცენტი).
"საქსტატში" აცხადებენ, რომ 2010 წელს კლება აღინიშნა შემდეგ სექტორებში: სოფლის მეურნეობა (4,8 პროცენტი), პროდუქციის გადამუშავება შინამეურნეობების მიერ (4,6 პროცენტი).
როგორც ცნობილია 2010 წლის მთლიანი შიდა პროდუქტის მაჩვენებელმა დაზუსტებული მონაცემებით, მიმდინარე ფასებში 20 743,4 მლნ. ლარი შეადგინა, რაც 15,3 პროცენტით აღემატება წინა წლის ანალოგიურ მაჩვენებელს. "საქსტატის" ინფორმაციით, მთლიანი შიდა პროდუქტის რეალური ზრდა წინა წელთან შედარებით 6,3 პროცენტით, ხოლო დეფლატორის _ 8,5 პროცენტით განისაზღვრა.
