2010 წლის მთლიანი შიდა პროდუქტის დარგობრივ სტრუქტურაში უდიდესი წილი ვაჭრობის სექტორს უკავია. როგორც დღეს, გამართულ ბრიფინგზე "საქსტატის" აღმასრულებელმა დირექტორმა ზაზა ჭელიძემ განაცხადა, გასული წლის მთლიანი შიდა პროდუქტის დარგობრივ სტრუქტურაში უდიდესი წილი ვაჭრობის სექტორს უკავია - 16,8 პროცენტი.
მისივე ინფორმაციით, ასევე დიდი წილით გამოირჩევა მრეწველობის
(16,1 პროცენტი) და სახელმწიფო მმართველობის (13,0 პროცენტი) სექტორები. "საქსტატის" ინფორმაციით,მთლიანი შიდა პროდუქტის დარგობრივ სტრუქტურაში შემდეგ პოზიციებს იკავებენ: ტრანსპორტი და კავშირგაბმულობა (11,5 პროცენტი), სოფლის მეურნეობა (8,4 პროცენტი), ჯანდაცვა და სოციალური დახმარება (6,7 პროცენტი), მშენებლობა (6,1 პროცენტი).
როგორც ცნობილია 2010 წლის მთლიანი შიდა პროდუქტის მაჩვენებელმა დაზუსტებული მონაცემებით, მიმდინარე ფასებში 20 743,4 მლნ. ლარი შეადგინა, რაც 15,3 პროცენტით აღემატება წინა წლის ანალოგიურ მაჩვენებელს. "საქსტატის" ინფორმაციით, მთლიანი შიდა პროდუქტის რეალური ზრდა წინა წელთან შედარებით 6,3 პროცენტით, ხოლო დეფლატორის _ 8,5 პროცენტით განისაზღვრა.