"საქსტატმა" 2010 წლის მთლიანი შიდა პროდუქტის დაზუსტებული მაჩვენებლები გამოაქვეყნა.
როგორც დღეს გამართულ ბრიფინგზე "საქსტატის" აღმასრულებელმა დირექტორმა ზაზა ჭელიძემ განაცხადა, 2010 წლის მთლიანი შიდა პროდუქტის მაჩვენებელმა დაზუსტებული
მონაცემებით, მიმდინარე ფასებში 20 743,4 მლნ. ლარი შეადგინა, რაც 15,3
პროცენტით აღემატება წინა წლის ანალოგიურ მაჩვენებელს.
"ჩვენი კვარტალური კვლევები იძლევა მშპ-ს წინასწარი ზრდის შედეგებს, ხოლო წლის დასრულების შემდეგ, იწყება წლის სტატისტიკის კვლევა, რომელიც აზუსტებს მშპ-ს ნომინალურ მაჩვენებლებს"- აცხადებს ჭელიძე.
"საქსტატის" ხელმძღვანელის განმარტებით, მთლიანი შიდა პროდუქტის რეალური ზრდა წინა წელთან შედარებით 6,3 პროცენტით, ხოლო დეფლატორის _ 8,5 პროცენტით განისაზღვრა.