ჩეხეთში, სამუშაო ვიზიტად მყოფი საქართველოს პრემიერ-მინისტრი მონაწილეობას მიიღებს საქართველო-ჩეხეთის ბიზნეს ფორუმში. ის ასევე შეხვდება Energo pro-ს წარმომადგენლებს. როგორც ცნობილია ნიკა გილაური ჩეხეთის პრემიერ-მინისტრს პეტრ ნეჩასს (Petr Nečas) უკვე შეხვდა.
„ჩეხეთის პრემიერ-მინისტრმა ხაზი გაუსვა, რომ მომავალი წლის ნატო-ს სამიტზეც ჩეხეთი საქართელოს ევროატლანტიკურ სივრცეში ინტეგრაციას მხარს დაუჭერს. ჩეხეთი ევროკავშირთნ საქართველოს ურთიერთოებების მნიშვნელოვან მხარდაჭერას ავლენს, ვგულისხმობ თავისუფალი ვაჭრობის ხელშეკრულებას, ლიბერალიზაციას, შემდეგ გადასადგმელ ნაბიჯებს. ყველა ამ მიმართულებით ჩეხეთის მხარდაჭერა გვაქვს.
აღსანიშნავია, რომ საქართველოსა და ჩეხეთს შორის ეკონომიკური ურთიერთობები ძალიან მნიშვნელოვანია. დღეს საქართველოში ჩეხეთი ერთ-ერთი ყველაზე დიდი ინვესტორია, ჩეხეთის „ექსპორტ ბანკი" ერთ-ერთი ყველაზე მნიშვნელოვანი ინვესტორია საქართველოში," - აღნიშნა ნიკა გილაურმა შეხვედრის შემდეგ.
ნიკა გილაურმა შეხვედრა გამართა ასევე ჩეხეთის პირველ-ვიცე პრემიერთან, საგარეო საქმეთა მინისტრთან კარელ შვარცენბერგთან (Karel Schwarzenberg). შეხვედრაზე საუბარი შეეხო საქართველოსა და ჩეხეთის ურთიერთობებს, აგრეთვე ნატო-სა და ევროკავშირში საქართველოს ინტეგრაციის საკითხს.
